上回提到：儲萬幾蚊不如行萬里路。
我是絕對覺得情侶要多啲去旅行！
有人話旅行可以令您了解自己
其實旅行仲可以幫您更了解對方
去到異地您地就係對方唯一可以依靠的人
可以好清楚睇到對方識唔識得照顧自己照顧您
當您地買到一袋二袋既時候
您女朋友會唔會幫您分擔定係雙手fingfing話9之您。
搵錯路行錯地方搵唔到目的地既時候
您另一半會西面會怪您定係會話唔緊要再搵下。
旅行就係見真章既時候
要同一個人連續好多日24小時形影不離真係好考驗耐性
旅行過程亦需要好多判斷時刻好多決策
於是爭執就好容易因此產生
兩個人就係最好學習點樣和而不同
點樣同對方溝通坦白既時候
我很喜歡同麥仔去旅行
因為每次旅行我覺得我倆都獲得了一些
我係個一肚餓就發脾氣既港女
而麥仔係個好懂得忍耐既人
頭兩次去旅行我地成日miss左食飯時間
於是我好肚餓就開始炆
佢每次都唔明每次都覺得我忽然變臉
但經過幾次出遊 佢會定時問我餓唔餓
學識了照顧我的肚皮
因為了解更多大家既脾性
所以學識體諒學識照顧亦學識解決
而且旅行是種經歷
兩個人一起做很多從沒做過的事
一齊經歷異地偶爾遇上的驚喜
坐埋一條船 一齊同喜同悲 這是最難得的
同麥仔一齊簽生死狀去南北韓邊界
一齊見到後面有個韓國大叔發癲鬧人想動粗
一齊喺街頭聽樂隊表演既感動
一齊睇過異地既夕陽
一齊食過好味既野食而感到快樂
這些回憶就是旅行最好的紀念品。
即使旅途中我發過脾氣佢發過脾氣
但每次旅程完結
我還是會覺得更喜歡這個人啊
行動吧～快D同另一半去旅行！
Search